O pianista e compositor Marcial del Adalid (A Coruña, 1826 – Lóngora, Oleiros, 1881) é un dos creadores máis relevantes da música galega e española do seu tempo. Dende moi novo tipo acceso a unha educación que o levou a completar a súa formación en diversos países europeos.

O século XIX foi un período convulso a nivel mundial, marcado por revolucións sociais, científicas, loitas de clases e de pobos que deron lugar a unha serie de profundos cambios políticos e económicos que afectaron o conxunto da sociedade. Galicia non foi allea a ese proceso.

A obra de Marcial del Adalid acadou axiña recoñecemento na historia da música galega e española. A crítica contemporánea eloxia o bo gusto, a sensibilidade e o seu refinamento, especialmente no repertorio para piano, acorde co estilo román­tico centroeuropeo en auxe xa na época.

A Real Academia Galega valorou sempre a importancia da Biblioteca primeiro e, logo da súa creación, do Arquivo, xa que foron ao longo da historia da institución as áreas receptoras de boa parte dos escasos recursos de que dispuña.